Finnar sigruðu Íslendinga 84-73 í landsleiknum á Ásvöllum í kvöld. Það var Hanno Möttölä, NBA-leikmaður þeirra Finnar, sem fór illa með okkar menn og var maðurinn á bak við sigur Finna. Möttölä skoraði 40 stig í leiknum. Stigahæstur í íslenska liðinu var Helgi Jónas Guðfinnsson með 18 stig, en Logi Gunnarsson kom næstur með 16 stig.

Íslenska liðið byrjaði leikinn af krafti og það tók Finnar fyrsta fjórðunginn að átta sig á íslenska liðinu sem setti 32 stig í fjórðungnum gegn 26. Í næsta leikhluta gerði Ísland 15 stig gegn 26 stigum Finna og staðan var því 47-52 fyrir Finnlandi í hálfleik. Þriðji leikhluti var nokkuð jafn, 16-18, og Finnar höfðu enn yfir 63-70. Finnar bætti heldur við í lokafjórðungnum og gerði 14 stig gegn aðeins 10 stigum Íslendinga og lokatölur voru 73-84.

Þjóðirnar mætast aftur í Finnlandi á laugardaginn kemur, en í næstu viku verða heimaleikir gegn Sviss og Írlandi.

Tölfræði leiksins er að finna á heimasíðu FIBA, fiba.com

mt: Helgi Jónas Guðfinsson skoraði 18 stig í leiknum í kvöld.