Í gær fóru fram þrír leikir í Iceland Express-deild kvenna. Keflavík vann nágranna sína í Grindavík í Röstinni, en leikurinn fór 66:82.

Hamar tapaði á sama tíma gegn Val að Hlíðarenda 61:60. Keflavík og Hamar eru jöfn að stigum í 2.-3. sæti en Keflavík hefur betri innbyrðis milli þeirra.

KR vann síðan lið Snæfells á heimavelli 69:54. KR situr í 5. sæti deildarinnar, 2 stigum á eftir Val sem er í 4. sætinu.

Í dag eigast svo við Fjölnir og Haukar en leikur þeirra hefst kl: 19.15. Haukar eru sem fyrr á toppnum en Fjölnisstúlkur verma næstneðsta sætið með 2 stig eins og Snæfell sem er í 8. sætinu.