Helena Sverrisdóttir er að gera það gott með TCU í háskólaboltanum í Bandaríkjunum. ESPN, einn stærsti íþróttafréttamiðillnn vestanhafs, er með stóra forsíðufrétt um frammistöðu hennar í vetur en Helena hefur staðið sig einstaklega vel og hefur hún vakið verðskuldaða athygli.

Um þessar mundir er liðið hennar búið að vinna átta leiki og aðeins tapað tveimur það sem af er vetri.

Í greininni segir meðal annars að ekkert lið sé öruggt á meðan TCU hafi Helenu í liðinu sama í hvaða styrkleikaflokk það sé sett í.

TCU var sett í 22. sæti styrkleikalistans fyrir veturinn og hafa þær nú þegar unnið tvö lið sem voru sett í topp 5 þannig að það er ljóst að TCU, eða The Horned Frogs eins og liðið er kallað, á eftir að gera góða hluti í vetur.

Helena hefur spilað stöðu leikstjórnanda með liðinu og hefur verið að skora grimmt og að auki verið dugleg að spila samherja sína lausa og spilað mjög vel fyrir liðið sitt.

Greinina um Helenu má sjá hér: Frog's life