Pétur Hrafn Sigurðsson sat á föstudaginn fund smáþjóða FIBA, sem haldinn var í tengslum við Promotion Cup unglingalandsliða kvenna á Kýpur. Fundinn sátu meðal annars George Vassilakopulos nýkjörinn forseti FIBA, Patrick Baumann aðstoðarframkvæmdastjóri FIBA og Zoran Radovic þróunarstjóri FIBA.

Auk Íslands sátu fundinn fulltrúar þeirra þjóða sem taka þátt í mótinu á Kýpur, þ.e. Kýpur, Skotlands, Andorra, Gíbraltar, Möltu og Luxemborgar (Azerbadjan mætti ekki til leiks), en auk þess mættu til fundarins fulltrúar Albaníu, San Marino og Írlands.

Á fundinum var einkum fjallað um framtíð Promotion Cup keppninnar, og tengingu hennar við Evrópukeppni landsliða. Ljóst er að þær þjóðir sem eiga þátttökurétt á Promotion Cup byggja talsvert á því verkefni fyrir sín landslið, en ennfremur var umfjöllun um verkefni fyrir þær þjóðir sem standa "á milli" Promotion Cup og undanúrslitakeppni Evrópukeppninnar (þar sem karlalandslið Íslands hefur t.a.m. leikið undanfarin 4 ár)

Pétur Hrafn fjallar nánar um fundinn síðar.