Þrír leikir fóru fram í kvöld í Iceland Express-deild kvenna en heimaliðin unnu öll leiki sína í kvöld.

Haukar sigrðuðu Hamar að Ásvöllum og tylltu sér á toppinn í deildinni með þriggja stiga sigri 76:73. Slavica Dimovska setti niður 38 stig fyrir utan magnaða flautukörfu langt utan að velli sem tryggði Haukastúlkum sigur.

Nýliðar Snæfells unnu sinn fyrsta sigur í deildinni með sigri á Grindavík 85:71 þar sem Detra Ashley fór á kostum og skoraði 27 stig og tók 22 fráköst

Keflavík vann síðan Val með 22 stigum í Keflavík 91:69. Pálína Gunnlaugsdóttir var stigahæst í liði Keflavíkur með 24 stig en hún gaf einnig 9 stoðsendingar og nýtti öll 8 vítin sín.

Hægt er að smella á úrslitin til að skoða nánar tölfræði leikjanna.