Körfuknattleikssambönd á Norðurlöndum hittast árlega og í ár er komið að KKÍ að halda fundinn.

Almennt samstarf þjóðanna er rætt, m.a. framkvæmdir á Norðurlandamótum yngri og eldri landsliða.

Í ár verður m.a. farið í gegnum keppnisfyrirkomulag í Evrópukeppnum A-landsliðanna en það er mikill samhugur á meðal allra Norðurlandanna og fleiri þjóða að það þurfi að breyta fyrirkomulaginu.

Fulltrúar Íslands á fundinum verða Hannes Sigurbjörn Jónsson formaður KKÍ og Friðrik Ingi Rúnarsson framkvæmdastjóri KKÍ.