Laugardaginn 11. október verður fundur þar sem dómarar og þjálfarar hittast til að fara yfir þær breytingar sem FIBA hefur sent frá sér.

FIBA dómararnir Sigmundur Már Herbertsson og Kristinn Óskarsson munu fara yfir þær breytingar sem hafa átt sér stað og er því mikilvægt fyrir þjálfara að mæta svo þeir fái upplýsingar frá fagmönnum.

Einnig mun þjálfurum og dómurum gefast kostur á því að ræða almennt um samskipti þessara tveggja mikilvægu hópa.

Fundurinn verður í húsakynnum ÍSÍ í Laugardal og verður eins og áður hefur komið fram laugardaginn 11. október og hefst hann klukkan 11:00. Ráðgert er að fundi ljúki um 12:30.

Öllum þjálfurum er frjálst að mæta og er vonandi að sem flestir láti sjá sig.