Eins og undanfarin ár mun körfuknattleiksdeild Fjölnis í Grafarvogi, í samvinnu við Hópbíla ehf., standa fyrir stórmóti fyrir yngstu iðkendurnar þ.e.a.s. fyrir drengi og stúlkur fædda 1997 og síðar. Að þessu sinni verður mótið haldið 1. og 2. nóvember.

Mót þetta hefur skipað sér í sess með stórmótum vetrarins og þar má jafnan sjá fullt af væntanlegum stórstjörnum, bæði hjá stelpum og strákum. Þarna sjást líka oft tilvongandi þjálfarar í efstu deildum sem gjarnan stíga sín fyrstu skref með yngri körfuboltakrakka.

Þátttökugjald er kr. 10.000 kr. á hvert félag og 4.000 kr. á hvern leikmann. Innifalið er m.a. gisting í Rimaskóla, kvöldverður, kvöldvaka, kvöldhressing, morgunverður, bíóferð, pizzuveisla og verðlaunapeningur. Frítt er fyrir 1 þjálfara og 1 aðstoðarmann á hvert lið.

Að venju verður hvorki keppt um sæti né stigin talin opinberlega, heldur verður leikgleðin látin ráða ríkjum og fá allir keppendur verðlaunapening að móti loknu.

Fylgst verður með gangi mála á heimasíðu Fjölnis, http://fjolnir.is/fjolnir/karfa/

Þátttaka tilkynnist í tölvupósti á netfangið hopbilamot@gmail.com.
Skráningu líkur 20. október.