Íslenska liðið var að ljúka æfingu í höllinni sem leikurinn gegn Hollandi fer fram í.

Leikurinn fer fram í nýrri glæsilegri höll í Almere sem er í úthverfi Amstardam og hefst hann klukkan 17:30 að íslenskum tíma.

Hópurinn er klár í slaginn en gerir sér grein fyrir að um erfitt verkefni er að ræða. Liðin í riðlinum eru jöfn og má búast við að þau vinni hvert annað á víxl. Það er lykilatriði að halda velli á heimavelli og ná svo að stela einhverjum á útivöllunum.

Hollendingar töpuðu gegn Svartfjallalandi á heimavelli fyrir viku síðan og því er talsverð pressa á þeim.

Hægt verður að fylgjast með leiknum hér