© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
10.9.2008 | 11:49 | Stefán
Logi og Páll Axel hafa báðir skorað 99 þrista fyrir A-landsliðið
Logi Gunnarsson getur skorað sína 100 þriggja-stiga körfu í kvöld mynd: SÞB
Landsliðsmennirnir Logi Gunnarsson og Páll Axel Vilbergsson standa á sömu tímamótum því þeir hafa skorað jafnmargar þriggja stiga körfur fyrir A-landslið karla. Næsta þriggja stiga karfa er sannkölluð tímamótakarfa hjá þeim báðum því hún verður númer hundrað í röðinni. Páll Axel og Logi verða báðir í eldlínunni í kvöld þegar islenska landsliðið mætir því danska í Laugardalshöllinni og hver veit nema hundraðasta þriggja stiga karfan komi hjá þeim í leiknum. Logi hefur skorað sínar 99 þriggja stiga körfur í 63 leikjum sem gera 1,68 að meðaltali í leik en Páll Axel hefur skorað sínar 99 þriggja stiga körfur í 80 leikjum sem gera 1,27 að meðaltali í leik. Landsliðsfyrirliðinn Magnús Þór Gunnarsson hefur skorað flestar þriggja stiga körfur af núverandi leikmönnum eða alls 118.

Páll Axel Vilbergsson skoraði sína fyrstu þriggja stiga körfu í leik á móti Litháen á æfingamóti í Skovlundi í Danmörku 29.desember 1996. Þetta var annar landsleikur hans en í þeim þriðja, á móti Danmörku á sama stað, þá skoraði hann tvo þrista. Páll Axel hefur mest skorað fimm þrista í einum landsleik en tveir þeirra komu á Smáþjóðaleikunum í Mónakó 2007. Páll Axel skoraði fimm þrista á móti Svíþjóð á Norðurlandamótinu í Tampere í Finnlandi 3. ágúst 2006 og endurtók síðan leikinn á móti Mónakó í Mónakó 7. júní 2007 og gegn San Marínó á sama stað daginn eftir. Páll Axel hefur skorað 297 af 512 stigum sínum með þriggja stiga skotum sem gera 58 prósent stiga hans.

Logi Gunnarsson skoraði sína fyrstu þriggja stiga körfu í leik á móti Svíþjóð á Norðurlandamótinu í Keflavík 2. ágúst 2000. Þetta var annar landsleikur hans. Logi hefur mest skorað fimm þriggja stiga körfur í einum landsleik og annar þeirra leikja var á þessu ári. Logi skoraði fimm þrista á móti San Marínó á Smáþjóðleikunum í San Marínó 1. júní 2001 og náði því síðan aftur á móti Litháen í Vilnius 15. júlí síðastliðinn. Logi hefur skorað 297 af 819 stigum sínum með þriggja stiga skotum sem gera 36 prósent stiga hans.

Flestar þriggja stiga körfur fyrir A-landslið karla - núverandi leikmenn:
Magnús Þór Gunnarsson 118
Logi Gunnarsson 99
Páll Axel Vilbergsson 99
Jakob Örn Sigurðarson 50
Helgi Már Magnússon 40
Jón Arnór Stefánsson 38
Hlynur Bæringsson 22
Sigurður Þorvaldsson 22

Þriggja stiga körfur Loga Gunnarssonar eftir árum:
2000 7 leikir - 5 þristar (0,7 í leik)
2001 13 leikir - 23 þristar (1,8 í leik)
2002 3 leikir - 4 þristar (1,3 í leik)
2003 8 leikir - 12 þristar (1,5 í leik)
2005 6 leikir - 6 þristar (1,0 í leik)
2006 13 leikir - 24 þristar (1,8 í leik)
2007 9 leikir - 16 þristar (1,8 í leik)
2008 4 leikir - 9 þristar (2,3 í leik)

Þriggja stiga körfur Páls Axel Vilbergssonar eftir árum:
1996 3 leikir - 3 þristar (1,0 í leik)
1998 2 leikir - 0 þristar (0,0 í leik)
1999 14 leikir - 9 þristar (0,6 í leik)
2000 4 leikir - 2 þristar (0,5 í leik)
2002 7 leikir - 3 þristar (0,4 í leik)
2003 8 leikir - 10 þristar (1,3 í leik)
2004 12 leikir - 24 þristar (2,0 í leik)
2005 4 leikir - 3 þristar (0,8 í leik)
2006 13 leikir - 15 þristar (1,2 í leik)
2007 9 leikir - 29 þristar (3,2 í leik)
2008 4 leikir - 1 þristar (0,3 í leik)
Mótayfirlit
Mótayfirlit allra flokka
Keflavíkurstúlkurnar Hrönn Þorgrímsdóttir, María Ben Erlingsdóttir og Bryndís Guðmundsdóttir með liði Keflavíkur á Landsmótinu 2007. Einhver vandræði voru með búninga Keflvíkinga og fengu þær búninga lánaða frá Blikum.
DómarahorniðLeiðararTölfræðiSaganViðtalið