© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
9.9.2008 | 8:00 | OOJ
Erfitt ferðalag framundan hjá kvennalandsliðinu
Íslenska landsliðið sem tók þátt í Norðurlandamótinu í ágúst.
Kvennalandsliðið er lagt af stað til Svartfjallalands þar sem liðið spilar fimmta og síðasta leik sinn í Evrópukeppninni á miðvikudagskvöldið. Hópurinn lagði af stað eldsnemma í morgun en mæting í Leifsstöð var klukkan 5.00. Áætluð koma til Bijelo Polje í Svartfjallalandi er klukkan hálf eitt í nótt. Stelpurnar eru nýkomnar frá Dublin á Írlandi þar sem þær léku á laugardaginn og flugu heim á sunnudaginn. Þegar þær lenda á Íslandi seint á fimmtudagskvöldið þá munu þær hafa lokið sínu tíunda flugi á aðeins sjö dögum.

Hópurinn flýgur fyrst til Kaupmannahafnar þar sem beðið verður í sex tíma áður en verður flogið áfram til Belgrad í Serbíu. Þriðja og síðasta flugið er síðan frá Belgrad til Podgorica, höfuðborgar Svartfjallalands. Svartfellingar spila sína leiki í 15 þúsund manna bæ, Bijelo Polje, sem er upp í fjöllum og það tekur rúmar tvo klukkutíma að keyra frá flugvellinum í Podgorica til Bijelo Polje. Íslenski hópurinn verður því búinn að vera um 18 tíma á ferðinni þegar komið verður upp á hótel seint í kvöld.

Stelpurnar verða örugglega mjög þreyttar eftir ferðalagið í kvöld en þær njóta þess að vera saman og því verður þetta mikla ferðlag vonandi eins og smá ævintýri fyrir þennan samheldna hóp. Flestar eru þær að koma til Svartfjallalands í fyrsta skiptið en í hópnum er þó Jovana Lilja Stefánsdóttir sem er ættuð frá Bosníu og þekkir því þennan hluta Evrópu vel. Það má því búast við því að Jovana þurfi jafnvel að bregða sér í hlutverk túlks komi upp einhverjar spurningar til heimamanna í þessari ferð.

Íslenska liðið á móti Svartfjallalandi:
4 Signý Hermannsdóttir, Val
5 Petrúnella Skúladóttir, Grindavík
6 Ragna Margrét Brynjarsdóttir, Haukum
7 Jovana Lilja Stefánsdóttir, Grindavík
8 Ingibjörg Jakobsdóttir, Grindavík
9 Helga Einarsdóttir, KR
10 Hildur Sigurðardóttir, KR
11 Pálína Gunnlaugsdóttir, Keflavík
12 Sigrún Sjöfn Ámundadóttir, KR
13 Kristrún Sigurjónsdóttir, Haukum
14 Helena Sverrisdóttir, Haukum/TCU
15 Fanney Lind Guðmundsdóttir, Hamri

Þjálfari: Ágúst Björgvinsson
Aðstoðarþjálfari: Finnur Freyr Stefánsson
Sjúkraþjálfari: Björg Hafsteinsdóttir
Fararstjóri: Guðbjörg Norðfjörð
Mótayfirlit
Mótayfirlit allra flokka
Snæfellingar fylltu Laugardalshöllina á úrslitaleik Lýsingarbikarsins 2008 þegar þeirra menn urðu Bikarmeistarar. Snæfell vann Fjölni 109 - 86.
DómarahorniðLeiðararTölfræðiSaganViðtalið