Dómaranefnd KKÍ heldur um komandi helgi haustþing sem einn stærsta liðinn í undirbúningi dómara fyrir komandi leiktíð.

Farið verður yfir leikreglur og reglubreytingar auk annarra helstu atriða sem lúta að dómarastarfinu. Fyrir nýliða og þá sem eru styttra komnir á dómaraferlinum verður það kynnt vel hvað það felur í sér að vera dómari og þá þætti sem snúa að dómarastarfinu.

Þá verða fyrir utan almenna fyrirlestra um reglur og málefni tekin þrekpróf og verklegar æfingar, skrifleg próf úr leikreglum ásamt því sem Körfunkattleiksdómarafélag Íslands kynnir starfsemi sína í vetur.

Það er mikilvægur þáttur fyrir hreyfinguna að eiga öfluga dómara og því er þetta ómissandi undirbúningur fyrir leiktíðina sem hefst innan skamms hjá KKÍ og KKDÍ.