© 2000-2018 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
11.8.2008 | 12:14 | OOJ
Myndaveisla frá Norðurlandamóti kvenna í Gentofte
Signý Hermannsdóttir stóð sig vel sem fyrirliði í Danmörku.
Íslenska kvennalandsliðið er komið heim frá Norðurlandamótinu í Genfote í Danmörku en mótið kláraðist á laugardaginn. Íslenska liðið endaði í 5. sæti að þessu sinni en spilaði hörku góða leiki á móti öllum nema kannski Norðurlandameisturum Svía sem voru erfiðir við að eiga í fyrsta leiknum. Hér á eftir má sjá fullt af myndum af stelpunum frá þessum sex dögum sem þær eyddu saman í útborg Kaupmannahafnar.

Íslensku stelpurnar töpuðu kannski öllum fjórum leikjunum en gáfu allt sitt í sína leiki og fengu mikið lof fyrir bæði baráttugleði og dugnað. Ágúst Björgvinsson þjálfari vakti líka mikla lukku meðal áhorfenda enda var hann lét hann vel í sér heyra þegar að hann hvatti stelpurnar áfram á hliðarlínunni.

Helena Sverrisdóttir og Signý Hermannsdóttir voru áberandi á tölfræðilistunum eins og hefur komið fram hér á síðunni. Helena varð stigahæst allra leikmanna á mótinu og Signý tók bæði flest fráköst og varði flest skot. Petrúnella Skúladóttir var einnig með bestu þriggja stiga skotnýtinguna.

Allir tólf leikmenn íslenska liðsins náðu að skora í mótinu en það munaði þó ekki miklu hjá Ingibjörgu Jakobsdóttur. Ingibjörg skoraði nefnilega sín fyrstu stig með íslenska A-landsliðinu sekúndubroti áður en lokaflautið gall í síðasta leiknum á móti Danmörku.Ingibjörg braust þá upp að körfunni og skoraði laglega með vinstri fótar sniðskoti en hún er rétthent. Ragna Margrét Brynjarsdóttir og Jovana Lilja Stefánsdóttir skoruðu líka báðar sín fyrstu A-landsliðsstig í þessarri ferð.



Helena Sverrisdóttir setti tvö stigamet
á Norðurlandamótinu bæði þegar hún skoraði
23 stig í einum leik og líka með því
að skora 17,3 stig að meðaltali á mótinu.




Íslenski hópurinn þurfti að ganga dágóðan
spöl til þess að komast í íþróttahúsið
þar sem bæði æfingar og leikir fóru fram.
Stelpurnar létu það þó ekki á sig fá eins
og sést á þessarri mynd.




Þjálfarinn Ágúst Björgvinsson vakti mikla
athygli fyrir líflega og skemmtilega
framkomu á hliðarlínunni. Hér sést hann
tala við stelpurnar í einu af leikhléum
íslenska liðsins.




Ragna Margrét Brynjardóttir lék sína fyrstu
A-landsleiki í mótinu. Hér sést hún taka
vel undir þegar þjóðsöngurinn var spilaður
fyrir hennar fyrsta landsleik.




Hér má sjá allan íslenska hópinn hita upp
á sinni fyrstu æfingu í Kildeskovshallen í
Gentofe. Stelpurnar æfðu vel á meðan mótinu
stóð enda þurfti að fínpússa ýmsa hluti
fyrir komandi leiki.




Yngstu og reynsluminnstu stelpurnar í liðinu,
Ragna Margrét Brynjarsdóttir og Ingibjörg
Jakobsdóttir gengdu stöðu "nýliðans" í hópnum.
Þær þurfti að hjálpa öðrum leikmönnum á
margvíslegan hátt. Hér sést Ingibjörg bera
sjúkratöskuna fyrir Önnu Pálu sjúkraþjálfara.




Íslensku stelpurnar höfðu alltaf sama
háttinn á þegar þær hlýddu á þjóðsönginn.
Þær tóku þá utan um hverja aðra og sungu með.




Pálína Gunnlaugsdóttir var í byrjunarliðinu
í öllum fjórum leikjunum. Hér sést hún á
fleygiferð á æfingu.




Íslenska liðið varð fyrir miklu áfalli
gegn Dönum þegar Sigrún Ámundadóttir
meiddi sig á hné. Hér sést atvikið
þegar Sigrún meiðir sig.




Signý Hermannsdóttir og María Ben
Erlingsdóttir fylgjast hér vel með
þegar Ágúst þjálfari útskýrir hluti
á einni af æfingunum.




Jovana Lilja Stefánsdóttir og
Kristrún Sigurjónsdóttir sjást hér teygja
vel á eftir eina af æfingunum.




Hér er ein sókn íslenska liðsins
í fullum gangi á mótinu en Helena sendir
hér boltann út á kant á Kristrúnu.




Sigrún Ámundadóttir komst í byrjunaliðið
eftir fyrsta leik og fékk þá að byrja inn
á í A-landsliðinu í fyrsta sinn.
Hér er hún í leik á móti Norðmönnum.




Það vita allir að Helena Sverrisdóttir
er leikin með boltann en það vissi
kannski færri að hún gæti verið með tvo
bolta í gangi í einu eins og lítur
út fyrir á þessarri mynd.




Keflvíkingarnir Margrét Kara Sturludóttir
og Pálína Gunnlaugsdóttir sjást hér
undirbúa sig fyrir einn af leikjunum.




Sigrún Ámundadóttir hefur hér náð góðri
stöðu inn í teig og Petrúnella Skúladóttir
undirbýr það að ná að senda boltann inn á hana.




Hildur Sigurðardóttir er komin með
56 A-landsleiki eftir mótið í Danmörku.
Hún hefur leikið 12 leiki á Norðurlandamóti
eins og Signý Hermannsdóttir. Hér er Hildur
í leik á móti Noregi.




Helena Sverrisdóttir teygir hér vel á
herbergisfélaga sínum Pálínu Gunnlaugsdóttur
eftir eina af æfingum íslenska liðsins.




Hildur Sigurðardóttir og Sigrún
Ámundadóttir horfa hér á boltann og ætla
sér báðar að ná í frákastið.




Kristrún Sigurjónsdóttir hefur hér
brotist upp að körfu og er um það bil að
skora tvö stig fyrir íslenska liðið.
Mótayfirlit
Mótayfirlit allra flokka
Fréttamenn Stöðvar 2, þeir Einar Bollason og Valtýr Björn Valtýsson, í beinni útsendingu frá stjörnuleik NBA í Phoenix í Bandaríkjunum í febrúar 1995,
DómarahorniðLeiðararTölfræðiSaganViðtalið