© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.8.2008 | 21:03 | OOJ
Við fengum Svíana á mjög erfiðum tímapunkti
Ágúst Björgvinsson stjórnaði sínum fyrsta A-landsleik í kvöld.
Ágúst Björgvinsson, þjálfari íslenska kvennalandsliðsins, segir sænska liðið hafa verið erfitt próf í fyrsta leik en íslenska liðið tapaði með 34 stigum, 47-81, í opnunarleik sínum á Norðurlandamótinu í Gentofte í kvöld. Ágúst segir íslensku stelpurnar hafi hlaupið á einhverja veggi í þessum leik enda að spila við, að hans mati, besta lið mótsins.

"Fyrirfram sá maður það fyrir að það yrði á brattann að sækja í fyrsta leiknum á móti Svíþjóð. Þetta var samt góður leikur til þess að ná skrekknum úr liðinu. Stelpurnar fengu að hlaupa á einhverja veggi í þessum leik og fengu virkilega að finna það sem við þurfum að bæta fyrir næstu leiki," sagði Ágúst en sænska liðið ætlaði sér greinilega að bæta fyrir tapið á móti Norðmönnum.

"Við fengum Svíana á mjög erfiðum tímapunkti. Við vorum að spila okkar fyrsta leik í sumar eftir miklar æfingar og það var mikil spenna í loftinu. Svíarnir, sem eru með hörku lið, voru að tapa mjög óvænt í gær og þær komu gríðarlega einbeittar í þennan leik," segir Ágúst en hann sá á eftir góðum tækifærum í byrjun leiks.

"Ég fann það alveg á Svíunum hvað þær voru óöruggar í byrjun leiks en við náðum engan vegin að nýta okkur það því við vorum ekkert minna óöruggar en þær. Ef við hefðum verið búnar að spila eitthvað meira þá hefði það klárlega hjálpað okkur. Úrslitin í gær komu rosalega á óvart og settu svolitla pressu á okkur á móti Svíum í dag. Þau settu að sjálfsögðu líka pressu á Svíana og þeir að mínu mati með besta liðið í þessu móti," segir Ágúst.

"Við vorum að taka fullt af sóknarfráköstum og erum að standa okkur mjög vel baráttulega séð en það er mikið af tæknimistökum í vörnini sem er að fara illa með okkur. Við lentum í miklum vandræðum með boltahindranirnar og sænska liðið nýtti sér það mjög vel. Svíar eru með þrælgott lið með mikla breidd og góða leikmenn í öllum stöðum," sagði Ágúst að lokum.

Ágúst vildi horfa á jákvæðu hlutina úr þessum fyrsta leik þrátt fyrir tapið. "Það sem er jákvætt er að við vorum oft og tíðum að fá mjög góð færi sem við vorum bara ekki að nýta. Við vinnum líka á í leiknum og spilum betur og betur eftir því sem líður á leikinn og það er eitthvað sem við eigum að geta tekið með okkur í næsta leik," segir Ágúst en hann verður gegn Norðmönnum á morgun.
Mótayfirlit
Mótayfirlit allra flokka
Frá ferð A-landsliðs karla til Lelystad í Hollandi v/þáttöku í undanúrslitakeppni Evrópumótsins árið 1999.
DómarahorniðLeiðararTölfræðiSaganViðtalið