© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
1.8.2008 | 15:10 | OOJ
Fjórir leikir á fjórum dögum í Kildeskovshallen
Landsliðshópurinn sem æfði í sumar. Mynd: Stefán
Íslenska kvennalandsliðið er á leiðinni út á Norðurlandamótið á mánudaginn en mótið fer að þessu sinni fram í Gentofte í Danmörku dagana 4. til 9. ágúst næstkomandi. Íslensku stelpurnar hvíla fyrsta daginn en spila síðan fjóra leiki á fjórum dögum. Leikið er í Kildeskovshallen sem er heimavöllur danska úrvalsdeildarliðsins SISU sem hefur meðal annars orðið ellefu sinnum danskur meistari í kvennakörfu.

Gentofte er útborg Kaupmannahafnar með tæplega 69 þúsund íbúa. Gentofte er staðsett norður af höfuðborginni og í bænum er meðal annars hinn frægi leikgarður Bakken. Mótið verður spilað í Kildeskovshallen sem er stór og mikil íþróttamiðstöð sem var byggð í þremur hlutum. Fyrsti hlutinn var byggður á árunum 1966-1969, annar hlutinn á árunum 1970-72 og lokahlutinn síðan á árunum 2001-2002. Kildeskovs-höllin er alls 31 þúsund fermetrar og skiptist niður í tvær íþróttahallir, sundlaug, þrjá íþróttasali og fimleikasal. Heimaliðið er danska úrvalsdeildarliðið SISU sem heimsótti Ísland fyrir tveimur árum og tók þá þátt í æfingamóti á vegum Hauka.

Vonandi geta einhverjir af hinum fjölmörgu Íslendingum sem eru búsettir í Danmörku mætt á leiki íslenska liðsins á mótinu. Það er allavega ljóst að það væri mikil hvatning fyrir íslensku stelpurnar að heyra "Áfram Ísland" á pöllunum.

Danirnir hafa útbúið flotta heimasíðu um mótið þar sem finna má allar helstu upplýsingar. Þar má finna fréttir og myndir af mótinu, leikjadagskrá, tölfræði og þá hafa Danirnir lofa að vera með lifandi tölfræðilýsingu frá öllum leikjunum. Heimasíða mótsins má finna hér.

Leikir Íslenska liðsins á NM 2008:

Þriðjudagur 5. ágúst
Hvíldardagur (Ísland og Finnland eru einu þjóðirnar sem þurfa að leika fjóra leiki í röð. Norðmenn hvíla á miðvikudegi, Danir hvíla á fimmtudegi og Svíar hvíla á föstudegi. Finnar spila ekki á lokadegi mótsins)

Miðvikudagur 6. ágúst
16.30 Ísland-Svíþjóð (14.30 á íslenskum tíma)

Fimmtudagur 7. ágúst
18.45 Ísland-Noregur (16.45)

Föstudagur 8. ágúst
15.00 Ísland-Finnland (13.00)

Laugardagur 9. ágúst
15.30 Ísland-Danmörk (13.30)
Mótayfirlit
Mótayfirlit allra flokka
Baldur Ólafsson átti eftirminnilega endurkomu í lið KR í úrslitaseríunni.  Hér er hann við það að troða yfir Igor Beljanski Njarðvík í fyrsta leik liðanna. Allir sem sáu leikinn muna eftir þessu atviki öðrum fremur.
DómarahorniðLeiðararTölfræðiSaganViðtalið