Íslenska liðið fór í gegnum C-deildina með því að vinna alla leikina og nú rétt í þessu bar það sigurorð á Albaníu í úrslitaleik.

Stelpurnar náðu strax undirtökunum og ætluðu ekki að falla í þá gryfju að vanmeta Albaníu en liðið mættust í riðlakeppninni þar sem okkar stelpur höfðu betur.

Í hálfleik var staðan 39:23 okkar stelpum í vil. Í seinni hálfleik dró enn meira í sundur með liðunum og þegar upp var staðið hafði íslenska liðið gersigrað þær albönsku 74:41

Guðbjörg Sverrisdóttir átti skínandi leik en hún skoraði 15 stig, tók 16 fráköst, var með 8 stolna bolta og gaf 2 stoðsendingar. Ína María Einarsdóttir var stigahæst með 16 stig og tók 6 fráköst. Annars var allt liðið að leika vel og liðsheildin var sterk.

Við óskum hópnum til hamingju með sigurinn.