Eins og komið hefur fram mun íslenska karlalandsliðið halda til Litháen 11. júlí þar sem liðið mun æfa og leika 2 leiki við landslið heimamanna sem er að undirbúa sig fyrir Olympíuleikana.

Áhugasamir geta lesið um eitt og annað um körfuboltasögu Litháen á alfræðivefnum Wikipedia.

Þarna er hægt að lesa um árangur þeirra í stórkeppnum síðustu ára sem og um helstu leikmenn landsliðsins fyrr og síðar.

Körfubolti er íþrótt númer 1 í Litháen og er alltaf mikil stemning í kringum landsliðið þeirra. Það er búist við miklum fjölda á leikjunum gegn Íslandi.