U15 drengjalandsliðið tapaði gegn WKK Wroclaw í sínum fyrsta leik á Copenhagen invitational í morgun. Lokatölur urðu 68-52 þar sem afleit hittni varð íslenska liðinu að falli.

Reglur mótsins eru samkvæmt reglum FIBA með þeirri undantekningu að í öðrum leikhluta verða þrjár af fimm leikstöðum að vera mannaðar af leikmönnum sem léku ekki í fyrsta leikhluta.

Byrjunarlið Íslands var skipað Matthíasi Erni, Val Orra, Oddi Birni, Antoni Erni og Andra Þór.

Pólska liðið er mjög hávaxið og þeir nýttu sér það vel snemma leiks og komust í 3-7 og svo 5-19 eftir fyrsta leikhlutann. Staðan í hálfleik var 15-33 og stress og óákveðni að einkenna íslenska liðið.

Síðari hálfleikur var öllu skárri þar sem liðið átti ágæta spretti en pólverjarnir hleyptu íslenska liðinu aldrei nærri og unnu á endanum sannfærandi 16 stiga sigur.

Það var fátt um fína drætti í íslenska liðinu og margir lykilmenn voru fjarri sínu svo menn reikna með mun betri leik í kvöld frá íslenska liðinu.

Valur Orri Valsson var stigahæstur með 26 stig, Þorsteinn Ragnarsson gerði 12 stig, Ágúst Orrason gerði 3 stig, Snorri Hrafnkelsson 2, Oddur Birnir Pétursson 2, Aron Ingi Valtýsson 2, Kristófer Ednuson 2, Matthías Orri Sigurðarson 2 og Anton Örn Sandholt 1.
Emil Karel Einarsson, Andri Þór Skúlason og Ægir Hreinn Bjarnason léku einnig án þess að skora.

Þar sem 16 leikmenn eru í íslenska hópnum þá hvíla fjórir hverju sinni og í þessum fyrsta leik hvíldu Maciej Baginski (sem er reyndar meiddur en stefnt að því að hann verði klár á morgun), Ingi Rúnar Kristinsson, Sigtryggur Arnar Björnsson og Alexander Jarl Þorsteinsson.

Síðari leikurinn er kl 16.30 að íslenskum tíma gegn Berlínarúrvalsliðinu en þeir töpuðu gegn danska landsliðinu í sínum fyrsta leik í dag.

Þeir sem hvíla í þeim leik eru Maciej, Ágúst, Snorri og Ægir Hreinn.