© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
28.5.2008 | 14:25 | OOJ
Körfuboltabúðir Ágústs Björgvinssonar í DHL-Höllinni
Ágúst Björgvinsson, þjálfari A-landsliðs og 18 ára landsliðs kvenna mun halda körfuboltabúðir á Íslandi áttunda árið í röð.
Búðirnar í ár fara fram í DHL-Höll þeirra KR-inga frá 3. til 6. júní næstkomandi en þær eru hugsaðar fyrir áhugasama körfuboltastráka og stelpur á aldrinum 12 til 18 ára.

Þessir krakkar fá hér tækifæri til þess að njóta handleiðslu Ágústs og fjölda annarra þjálfara sem munu aðstoða hann þessa fjóra daga sem búðirnar fara fram. Körfuboltabúðirnar eru á milli 17.00 og 20.00 frá þriðjudeginum 3. júní til föstudagsins 6. júní og verðið er 6000 krónur.




Körfuboltabúðir Ágústs Björgvinssonar 2008:
Frá 3. til 6. júní 17.00-20.00
12 til 18 ára stelpur og strákar

Skráning á basketball@visir.is.


Dagskrá æfingabúðanna 2008:

16.00 til 17.00 Frjálst
Frjáls tími þar sem leikmenn geta hitt þjálfara og æft það sem þeir vilja. Skráning fyrsta dag.

17.00 Stöðvaþjálfun
Stöðvaþjálfun sem er aðalþáttur æfingabúðanna. Leikmönnum er skipt upp í sjö hópa eftir aldri og kyni.

1. Snerpu og styrktarstöð
Á þessarri stöð munu leikmenn læra rétta líkamsbeitingu sem og æfingar til að ná enn betri árangri í körfubolta. Guðmundur Daði Kristjánsson, snerpu og styrtarþjálfari A-landsliðs kvenna, mun sjá um stöðina.

2. Varnarleikur
Á þessarri stöð verður Stefán Arnarson einn allra færasti yngriflokka þjálfari Íslands og fyrrum unglingalandsþjálfri ásamt Pálínu Gunnlaugsdóttur A-landsliðskonu og besta varnarmanni ársins síðastliðin fjögur tímabil í efstu deild kvenna. Þau munu fara í gegnum lykilatriðin að baki góðum varnarleik.



3. Skotstöð
Á þessarri stöð er farið í gegnum skothreyfinguna frá grunni í bland við skotleiki. Helena Sverrirsdóttir A-landsliðskona og leikmaður með háskólaliði TCU í Bandaríkjunum og Brynjar Björnsson, A-landsliðsmaður og leikmaður með mfl. KR mun sjá um stöðina.

4. Post up stöð
Á þessarri stöð er farið yfir hreyfingar með bakið í körfuna sem og í gegnum aðrar æfingar fyrir stóra leikmenn. Rob Hodgson þjálfari meistaraflokka karla og kvenna hjá Val og þjálfari 16 ára landsliðs kvenna mun stjórna þessarri stöð. Honum til aðstoðar verður María Ben Erlingsdóttir A-landskona og leikmaður með háskólaliði Texas Pan America í Bandaríkjunm.



5. Sóknarleikur
Á þessarri stöð verður Milijan Max Gvozdenovic en hann er reyndur þjálfari sem kemur lengst að í búðunum í ár en Max er frá Serbíu. Max mun fara yfir helstu atriði sóknarleiks á hálfum velli. Margrét Kara Sturludóttir, A-landsliðskona og lykilmaður í Íslandsmeistaraliði Keflavíkur mun aðstoða Max.

6. Bakvarðastöð
Á þessari stöð er farið yfir hreyfingar fyrir bakverði. Finnur Freyr Stefánsson aðstoðaþjálfari meistaraflokks karla hjá KR og aðstoðarþjálfari A-landsliðs kvenna mun stjórna stöðinni.

7. Dribblstöð
Á þessarri stöð er æft knattrak með bæði einum bolta og tveimur boltum. Sveinbjörn Claessen A-landsliðsmaður frá ÍR mun stjórna dribblæfingum.



18.45 NBA mót
Hér er leikmönnum búðanna skipt upp í NBA west og NBA East og síðan er spilað fjögurra daga mót þá daga sem búðirnar munu standa yfir.

20.00 Fyrirlestur
Stuttur fyrirlestur og æfingunni er síðan slitið í framhaldi af honum.



Yfirþjálfari búðanna

Ágúst Björgvinsson er í hópi bestu þjálfara landsins en í vetur tók hann við liði Hamars í Iceland Express deild karla eftir að hafa á þremur árum farið með ungt lið Hauka frá því að vera nýliðar í efstu deild til þess að vinna fimmfalt á lokaárinu. Haukaliðið vann undir hans stjórn níu titla á þessum þremur árum þar af tvisvar sinnum Íslandsmeistaratitilinn og tvisvar sinnum bikarmeistarattiilinn. Öll þrjú árin með Haukaliðið var hann kostinn besti þjálfari deildarinnar.

Ágúst tók við þjálfun A-landsliðs kvenna í vetur en hann hefur þjálfað 18 ára landslið kvenna undanfarin ár. Auk þessa hefur Ágúst þjálfað mikið í yngri flokkum undanfarin ár og hefur reynslu af þjálfun allra aldursflokka hjá báðum kynjum. Ágúst hefur einnig mikla reynslu af Körfuboltabúðum sem þessu en meðal búða sem hann hefur þjálfað eru í Duke University og Five Star Basketball Camp í Bandaríkjunum.

Það munu margir fleiri þjálfarar aðstoða við þjálfun í búðunum. Meðal þeirra eru Lárus Jónsson leikmaður í meistaraflokki Hamars og þjálfari í Íþróttaakademíunni í Reykjanesbæ, Sævaldur Bjarnason, Yfirþjálfari og aðstoðarþjálfari meistaraflokks Vals 2005-2008 og Steingrímur Gauti Ingólfsson, fyrirliði meistaraflokks Vals og yngriflokka þjálfari.



Unglingalandsliðsþjálfararnir Einar Árni Jóhannsson (16 ára lið karla), Ingi Þór Steinþórsson (18 ára lið karla) og Yngvi Gunnlaugsson (16 ára lið kvenna) munu allir koma í heimsókn líkt og landsliðsmenn úr bæði karla og kvennaliðinu.

Besta körfuboltafólk landsins hefur oft nefnt að það sé aukaæfingin sem skapi meistarann og í þessum körfuboltabúðum fá framtíðarleikmenn í íslenskum körfubolta kjörið tækifæri til þess að þroska hæfileika sína á sviði einstaklingsæfinga og fá góða leiðsögn frá hæfum og reynslumiklum þjálfurum.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  A-landslið karla hlýðir á íslenska þjóðsönginn við verðlaunaafhendingu mótsins.
DómarahorniðLeiðararTölfræðiSaganViðtalið