Skráningu fyrir íslandsmótið 2001-2002 er nú að ljúka, en frestur til að tilkynna þátttöku rann út 1. júní sl. Nokkur félög fengu frest til að skila þátttökutilkynningu, en ef miðað er við sama tíma í fyrra er ljóst að í metþátttöku stefnir á næsta Íslandsmóti.

Ljóst er að mikil fjölgun verður í 2. deild karla, en sem nú munu unglingalið og varalið félaganna leika í 2. deild í stað þess að leika í sérstökum unglingaflokki og 1. flokki eins og áður.

Þá mun félögum af landsbyggðinni halda áfram að fjölga og ljóst er að sérstakir riðlar verða í 2. deild bæði á austurlandi og á vestfjörðum. Eins og fyrr verður 2. deildar riðill á norðurlandi og á höfuðborgarsvæðinu verða væntanlega einir þrír riðlar ef að líkum lætur.

Í yngri flokkunum verður væntanlega svipuð þátttaka og áður og enn er reiknað með að liðum í 2. deild kvenna muni fjölga.