Í dag var leikið í undanúrslitum Íslandsmótsins í 10. flokki karla og kvenna.

Stelpurnar í Njarðvík tryggðu sér sæti í úrslitaleiknum með sigri á Keflavík 70-64 eftir framlengdan leik. Leikurinn var sveiflukenndur til að byrja með en síðustu mínúturnar voru hnífjafnar og tryggðu Njarðvíkingar sér sigur með góðum leik í framlengingu.

Haukastúlkur léku gegn Snæfell og var þessi leikur jafn og spennnandi þó svo að Haukar hafi leitt meira og minna allan leikinn. Lokatölur 56-50 og ljóst að úrslitaleikurinn sem fer fram sunnudaginn 20. apríl klukkan 10:00 verður á milli Njarðvíkur og Hauka.

Hjá 10. flokk drengja léku fyrst Fjölnir og Hamar/Þór Þorlákshöfn en framan af var leikurinn jafn og spennandi, Hamar/Þór Þorlákshöfn voru að leika vel en Fjölnisstrákarnir voru sterkari í lokin og lönduðu sigri 66-49.

Síðari leikurinn var á milli Njarðvíkinga og Breiðabliks B. Hittni beggja liða var ekki góð en Njarðvíkingar höfðu yfirhöndina allan leikinn þar sem þeir byrjuðu leikinn 11-0. Lokatölur 30-39 þar sem Styrmir Gauti Fjelsted tók 26 fráköst. Það verða því Fjölnir og Njarðvík sem mætast í úrslitaleiknum klukkan 12:00 í DHL-Höllinni.

Við hvetjum alla til að fjölmenna á leikina en þeir verða sendir út í lifandi tölfræði og einnig mun KRTV sýna leikina í beinni útsendingu.

Unglingaráð vill þakka þeim fjölmörgu aðilum sem komu að umgjörð undanúrslitanna kærlega fyrir þeirra aðstoð.

Frétt og mynd tekin af heimasíðu KR.