Grindavík minnkaði muninn í einvíginu við Snæfell þegar liðið sigraði þriðja leik liðanna í dag 90-71 í Röstinni.

Grindvíkingar mættu ákveðnir til leiks í dag og náðu forystunni strax í byrjun. Grindvíkingar leiddu allan leikinn og það var ljóst að leikmenn liðsins vildu ekki fara í sumarfrí alveg strax.

Þorleifur Ólafsson var stigahæstur með 20 stig fyrir Grindavík en það voru alls 6 leikmenn Grindavíkur sem skoruðu 11 stig eða meira í leiknum. Hjá Snæfelli var Justin Shouse stigahæstur með 16 stig.

Fjórða viðureign liðanna verður í Stykkishólmi á mánudag.