Leik Snæfells og Grindavíkur er nú lokið. Snæfell sigraði Grindavík í annað sinn og leiðir einvígið 2-0.

Grindavík byrjaði leikinn betur og leiddi 14-25 eftir fyrsta leikhluta. Snæfell hafði þó undirtökin í öðrum og þriðja leikhluta og náði að komast yfir. Þeir lönduðu svo mikilvægum sigri 79-71 og eiga því möguleika á því að klára einvígið í næsta leik.

Hlynur Bæringsson átti stórleik fyrir heimamenn en hann skoraði 20 stig, tók 21 frákast og varði 7 skot í leiknum. Snæfell náði að halda Jamaal Williams í 10 stigum í leiknum eftir að hafa átt í vandræðum með hann í fyrsta leiknum.