Það verður stórleikur í Stykkishólmi í kvöld þegar Snæfell og Grindavík mætast. Þetta verður annar leikur liðanna í undanúrslitum Iceland Express deildar karla.

Fyrsti leikurinn í viðureigninni fór fram í Grindavík og var stórskemmtilegur. Snæfell náði að vinna upp forystu sem Grindavík var með í fjórða leikhluta og sigraði 94-97.

Það lið sem fyrr vinnur 3 leiki í einvíginu kemst í úrslit Iceland Express deildarinnar. Þessi leikur er því mjög mikilvægur fyrir bæði lið.

Grindvíkingar bjóða uppá ókeypis rútu í Hólminn og væntanlega munu margir einnig fylgja á einkabílum. Það má því búast við góðri mætingu á leikinn því stuðningsmenn Snæfells hafa ávallt verið duglegir að mæta á völlinn. Mæting á leiki í úrslitakeppninni hefur verið frábær og það má búast við að fólk haldi áfram að fjölmenna á leikina enda frábær skemmtun í boði.

Leikurinn hefst klukkan 19:15