Körfuboltaskóli Þórs verður haldinn helgina 5.-6. apríl í Síðuskóla. Skólinn er ætlaður öllum krökkum á aldrinum 9 til 15 ára (4.-10. bekk), sem hafa áhuga á að prófa skemmtilega íþrótt.

Farið verður í fjölbreytilega leiki, skotkeppnir og ýmsar grunnæfingar, auk þess sem skipt verður í lið og spilað. Allir þátttakendur fá minningargrip að skólanum loknum. Verðlaun verða veitt þeim sem sigra skotkeppnirnar sem m.a. felast í því að hitta af löngu færi, en einnig verður keppt í Stinger, Hot-shot og vítaskotum.

Skólinn fer fram á eftirfarandi tímum:

Laugardagur 5. apríl

Kl. 11.00 – 15.00

Sunnudagur 6. apríl

Kl. 12.30 – 17.00

Mjög mikilvægt er að allir komi með nesti með sér báða dagana, s.s. ávexti, smurt brauð og ávaxtasafa.

Að skólanum loknum er öllum frjálst að mæta á æfingar til prufu ókeypis í eina viku ef vilji er fyrir hendi og hvetjum við alla til þess. Tekið skal fram að það er ekki skilyrði að hafa mætt í skólann til þess að fá að prófa. Æfingatöfluna má nálgast á heimasíðu Þórs á Akureyri (www.thorsport.is).

Aðgangur að skólanum er ókeypis.

Nánari upplýsingar veitir Baldur I. Jónasson, s. 895-7160 eða baldur@snerpa.is.

Nánar á heimasíðu Þórs.