Í kvöld mun ráðast hvaða lið mun fylgja Breiðablik upp í Iceland Express deild karla á næsta tímabili. FSu og Valur mætast á Selfossi í oddaleik.

Það má búast við skemmtilegum leik fyrir fullu húsi í kvöld en leikir liðanna hafa verið æsispennandi og mikil stemning hefur verið á pöllunum.

Báðir leikirnir hafa unnist á útivelli hingað til en Valur vann fyrsta leikinn eftir framlengingu 83-89 en FSu vann svo í Vodafonehöllinni 74-86.

Leikurinn hefst klukkan 19:15 í kvöld.