Úrslitakeppnir í Iceland Express deildum karla og kvenna, 1.deild karla og 2. deild karla halda áfram í dag og kvöld.

Í Borgarnesi er komið að leik númer tvö í viðureign Grindavíkur og Skallagríms. Grindavík vann fyrsta leikinn 106:95. Leikurinn í Borgarnesi hefst klukkan 19:15. Borgar-Skotið verður á sínum stað og verður skotið upp á ferð til Basel.

Á Akureyri eigast Þórsarar og Keflavík við og hefst leikurinn klukkan 19:15. Keflavík vann fyrsta leikinn 105:79. Skotið verður upp á ferð til Frankfurt Hahn.

Keflavík og KR hefja baráttuna um Íslandsmeistaratitilinn í Iceland Express deild kvenna í Keflavík í dag og hefst leikurinn klukkan 16:00. Skotið verður upp á ferð til Parísar.


Í 1.deild karla tekur Valur á móti FSu í lokaúrslitum um lausa sætið í Iceland Express deildinni á næsta tímabili. Valur vann í fyrsta leik á Selfossi 83:89 og geta með sigri í kvöld tryggt sér sæti í efstu deild. Leikurinn fer fram í Vodafonehöll þeirra Valsmanna og hefst klukkan 19:15

Úrslitakeppnin í 2.deild karla hefst í dag með leik Hrunamanna og ÍBV en leikurinn fer fram á Flúðum og hefst klukkan 15:00. Sigurvegarinn kemst áfram og spilar til úrslita við annað hvort Laugdæli eða ÍA.

Hinn undanúrslitaleikurinn fer fram á morgun mánudag þegar Laugdælir taka á móti Skagamönnum á Laugarvatni og hefst leikurinn klukkan 20:00