Marsfárið heldur áfram í kvöld í háskólakörfuboltanum en þá byrja 8-liða úrslit.

Núna klukkan 22:40 hófst leikur Xavier(3) og UCLA(1).

Klukkan 01:05 eftir miðnætti er það stórleikur Louisville(3) og North Carolina(1) þar sem tveir af sigursælustu þjálfurum háskólaboltans mætast, Roy Williams og Rick Pitino.

Roy Williams var lengi aðstoðarþjálfari hjá North Carolina þegar Dean Smith þjálfaði skólann og svo var hann aðalþjálfari Kansas skólans í mörg áður en hann tók svo loks við North Carolina sem aðalþjálfari.

Rick Pitino hefur komið víða við á sínum ferli en fyrst lét hann að sér kveða með Providence háskólann þar sem Billy Donovan núverandi þjálfari Florida lék leikstjórnana undir hans stjórn. Lengstum var Pitino með Kentucky háksólann sem m.a. varð meistari 1996 og lék til úrslita 1997 þar sem skólinn tapaði fyrir Mike Bibby og félögum í Arizona í framlengingu.

Á morgun eru svo hinir leikirnir í 8-liða úrslitunum.