Úrslitakeppnin í Iceland Express deild karla hófst í gær með tveimur leikjum og í dag verða tveir leikir.

Reykjavíkurfélögin KR(2) og ÍR(7) mætast í DHL höllinni og hefst leikurinn klukkan 16:00. Þessi lið mættust einnig í 8-liða úrslitum á síðustu leiktíð. ÍR byrjaði á því að vinna í DHL höllinni í fyrsta leik 65:75 KR snéri við blaðinu og náðu að vinna tvo næstu og þar með slá ÍR út. Leikur númer 2 í Seljaskóla endaði með 78:87 sigri KR og svo náðu KRingar að klára seríuna með því að vinna leik númer 3 91:78

Á leik KR og ÍR gefst áhorfendum kostur á að skjóta upp á ferð til London.

Í Njarðvík er sjónvarpsleikur fyrstu umferðar en leikur Njarðvíkur og Snæfells verður í beinni útsendingu á Stöð 2 Sport og hefst leikurinn klukkan 16:00

Leikir þessara liða hafa verið frábær skemmtun í gegnum tíðina og fyrr í vetur lentu þau saman í 4-liða úrslitum Lýsingarbikarsins sem endaði með sigri Snæfells 77:94 en leikið var í Ljónagryfjunni í Njarðvík.

Á leik Njarðvikur og Snæfells verður skotið upp á ferð til Eindhoven.