Stóri dansinn eins og þeir kalla það í Bandaríkjunum er hafinn og voru margir hörkuleikir á dagskrá í gær.

Einna mesta athygli vakti leikur Duke og Belmont en himinn og haf er á milli þessara skóla hvað varðar getu. Duke vann með einu stigi en Gerald Henderson skoraði sigurkörfuna þegar 10 sekúndur voru eftir af leiknum.

Belmont átti svo innkast undir körfu Duke þegar rúmar 2 sekúndur voru eftir en innkastkerfið mistókst og Duke slapp með skrekkinn. Hægt er að sjá viðtal við Mike Krzyzewski eftir leikinn hér

Eins og áður hefur komið fram er hægt að fá aðgang að þessum leikjum með því að hafa samband við Símann eða Skjáinn. Í sportpakkanum þar er sjónvarpsstöðin NASN sem sýnir frá háskólakörfuboltanum. Í dag klukkan 15:00 verður umræðuþáttur þar sem spekingar fara yfir leiki gærdagsins sem og komandi leiki en klukkan 16:00 hefst svo útsending frá leik ST Marys og Miami. Auk hans verða 3 aðrir leikir sýndir beint.

Hægt er að sjá hvaða leikir eru sýndir hér

Umfjöllun og viðtöl má finna hér