Það var mikið um að vera í körfuboltaheiminum í kvöld. KR vann fyrsta leikinn í einvígi KR og Grindavíkur í Iceland Express deild kvenna. Keflavík sigraði Skallagrím og tryggði sér deildarmeistaratitilinn í Iceland Express deild karla.

Hildur Sigurðardóttir lék vel fyrir KR gegn sínum gömlu félögum. Hún skoraði 28 stig og tók 13 fráköst í leiknum í kvöld og hjálpaði KR að vinna 68-81 sigur.

Umfjöllun um leikinn á karfan.is.

Keflavík sigraði Skallagrím í Borgarnesi 76-84 og tryggði sér þar með deildarmeistaratitilinn í Iceland Express deild karla og heimaleikjarétt í úrslitakeppninni. Bobby Walker skoraði 34 stig fyrir Keflavík í leiknum.

Stjarnan sigraði Hamar í Hveragerði 70-82 og á því enn möguleika á því að komast í úrslitakeppnina.

5 leikir voru í 1. deild karla í kvöld. Breiðablik vann Hött á Egilsstöðum 79-98, KFÍ sigraði Þór Þorlákshöfn 91-92, Valur sigraði Reyni Sandgerði 77-89 og FSu lagði Hauka 81-104. Úrslit úr leik Þróttar Vogum og Ármanns hafa enn ekki borist.