Í gær voru fjórir leikir í Iceland Express deild karla. Stjarnan sigraði ÍR í Seljskóla og tryggði þar með sæti sitt í deildinni á næsta ári. Hamar og Fjölnir eru því fallin.

Leikur ÍR og Stjörnunnar var spennandi og úrslitin réðust ekki fyrr en á lokasekúndunum. Dimitar Karadzovski skoraði úr tveimur vítum og kom Stjörnunni þremur stigum yfir þegar lítið var eftir af leiknum. ÍR-ingar þurftu því þriggja stiga körfu en það gekk ekki upp og Stjarnan sigraði 84-87.

Keflavík hélt sér á toppi deildarinnar með því að sigra Tindastól 106-85.

KR sigraði Hamar nokkuð örugglega á heimavelli sínum 95-66.

Njarðvíkingar unnu stóran sigur á liði Skallagríms í Ljónagryfjunni 113-83.

Staðan í deildinni.