Í kvöld voru 4 leikir í Iceland Express deild karla. Allir leikirnir unnust á útivelli. Umferðinni lýkur svo annað kvöld með 2 leikjum.

Snæfell vann stórsigur á Fjölni þegar liðin sem kepptu til úrslita í Lýsingarbikarnum um síðustu helgi mættust í Grafarvoginum. Fjölnismenn virtust ekki hafa mikla trú á sér eftir úrslitaleikinn og Snæfell vann örugglega 61-114.

ÍR-ingar unnu sigur á Grindavík á útivelli í miklum spennuleik sem þurfti að framlengja. Lokatölur urðu 105-107 fyrir ÍR.

Njarðvík lagði Tindastól á Sauðárkróki 87-96.

Þór frá Akureyri vann mikilvægan sigur þegar þeir sigruðu Skallagrím í Borgarnesi 83-88.