Grindavíkurkonur unnu bikarmeistaratitilinn í fyrsta sinn þegar þær unnu 77-67 sigur á Haukum í bikarúrslitaleik Lýsingabikars kvenna í dag. Grindavík varð aðeins fimmta liðið í síðustu tuttugubikarúrslitaleikjum kvenna sem nær að vinna bikarinn eftir að hafa verið undir í hálfleik.

Grindavíkurliðið var 12 stigum undir í leikhléi, 29-41, en vann seinni hálfleikinn með 22 stigum, 48-26 og þar með leikinn 77-67. Aðeins einu sinni á síðustu 20 árum hefur lið náð að vinna upp svona mikinn mun og tryggja sér bikarmeistaratitilinn. Met Stúdína frá 2003 stendur enn en ÍS var þá 13 stigum undir gegn Keflavík í hálfleik, 20-33, en náði að koma leiknum í framlengingu þar sem Stúdínur fögnuðu sigri 53-51.

Bikarmeistarar sem hafa verið undir í hálfleik (Frá 1988)
2008 Grindavík 12 stigum undir (á móti Haukum)
2004 Keflavík 4 stigum undir (á móti KR)
2003 ÍS 13 stigum undir* (á móti Keflavík)
2002 KR 3 stigum undir* (á móti Njarðvík)
1997 Keflavík 11 stigum undir* (á móti KR)
* Leikurinn vannst í framlengingu

Grindavíkurvörnin fór í gang í seinni hálfleik og það fer ekki milli mála þegar fimm tölfræðiþættir eru bornir saman milli hálfleikjanna. Einn af þessum tölfræðiþáttum eru hraðaupphlaupsstigin sem komna jafnan í framhaldi af góðri vörn.

Stigaskor Hauka:
Í fyrri hálfleik 41
Í seinni hálfleik 26
Breyting -15

2ja stiga skotnýting Hauka:
Í fyrri hálfleik 27/13, 48%
Í seinni hálfleik 23/5, 22%
Breyting -26%

Sóknafráköst Hauka:
Í fyrri hálfleik 17 (12 varnarfráköst hjá Grindavík, 41%)
Í seinni hálfleik 5 (23 varnarfráköst hjá Grindavík, 82%)
Breyting -12

Víti fengin hjá Haukum:
Í fyrri hálfleik 16/12, 75%
Í seinni hálfleik 4/1, 25%
Breyting -12

Hraðaupphlaupsstig Grindavíkur:
Í fyrri hálfleik 4
Í seinni hálfleik 12
Breyting +8