Grindavík tryggði sér bikarmeistaratitilinn í dag eftir skemmtilegan úrslitaleik í Laugardalshöllinni. Lokatölur voru 77-67.

Grindavík hóf leikinn vel en Haukar náðu þó forystunni í öðrum leikhluta og leiddu með 10 stigum á tímabili. Frábær leikkafli hjá Grindavík í þriðja leikhluta kom þeim aftur í forystuna. Grindavík hægði ekki á sér eftir það og vann sanngjarnan sigur.

Tiffany Roberson var stigahæst með 24 stig og 13 fráköst, Joanna Skiba skoraði 22 stig og Petrúnella Skúladóttir skoraði 15 stig og tók 10 fráköst í leiknum.

Hjá Haukum skoraði Kiera Hardy 19 stig og Kristrún Sigurjónsdóttir var með 17.