Danir hafa sent ósk til FIBA um að fá að halda HM í körfubolta árið 2014. Þeir eru þriðja þjóðin sem óskar eftir að fá að halda mótið en hinar eru Frakkland og Spánn.

Búast má við að fleiri þjóðir óski eftir að fá að halda mótið enda er það einn af stærstu íþróttaviðburðum heims og ljóst að gífurlegur fjöldi fólks, um allan heim, mun fylgjast með mótinu.

Það væri vissulega áhugavert ef Danir fengju að halda mótið og mætti búast við að Iceland Express þyrfti að taka aukaflug til Danmerkur í kjölfarið.