Stjörnuhelgi NBA deildarinnar er hafin. Stjörnuleikurinn fer fram í New Orleans á sunnudag en í dag verða troðslukeppnin og þriggja stiga skotkeppnin hápunktar dagsins.

Í gær fór fram leikur á milli nýliða þessa tímabils og leikmanna sem eru á öðru ári sínu í NBA deildinni. Annars árs leikmennirnir sigruðu 6. árið í röð og það var Daniel Gibson sem var valinn maður leiksins en hann setti met með því að skora 11 þriggja stiga körfur í leiknum.

Þriggja stiga keppnin verður áhugaverð í ár en margir frábærir leikmenn eru skráðir til leiks. Þátttakendur eru Steve Nash, Richard Hamilton, Daniel Gibson, Peja Stojakovic, Jason Kapono og Dirk Nowitzki sem kemur í staðinn fyrir Kobe Bryant sem er meiddur á fingri.

Í troðslukeppninni eru Dwight Howard, Rudy Gay, Jamario Moon og Gerald Green. Þessir leikmenn eru allir miklir háloftafuglar og hafa undirbúið sig vel fyrir keppnina í ár. Rudy Gay bað um hugmyndir á youtube og ætlar sér að velja eina troðslu sem honum hefur verið send. Hér má sjá brot af því sem hefur verið sent til hans.

Keppinautar Rudy Gay hafa einnig sent honum sínar hugmyndir.

Jamario Moon

Gerald Green