Nú er leikjum kvöldsins lokið. KR komst upp að hlið Keflvíkinga eftir sigur í leik liðanna í DHL-Höllinni. ÍR-ingar gjörsigruðu Fjölni í Grafavoginum.

Leikur KR og Keflavíkur var mikill baráttuleikur en KR náði að sigra 80-69. Þeir komust þar með upp að hlið Keflvíkinga á toppi Iceland Express deildarinnar.

ÍR-ingar léku frábærlega í fyrsta leikhluta gegn Fjölni og skoruðu 37 stig í leikhlutanum gegn 18 stigum heimamanna. Fjölnismenn náðu aldrei að jafna sig eftir það og ÍR vann öruggan sigur 67-112.

Í fyrstu deild karla sigraði Breiðablik Þór frá Þorlákshöfn 79-65. Þeir eru því enn taplausir í deildinni í vetur og hafa unnið 14 leiki í röð.