2 leikir voru í Iceland Express deild kvenna í gærkvöldi og unnust þeir báðir á heimavelli.

Í Grindavík sigruðu heimastúlkur lið Vals 76-68. Tiffany Roberson skoraði 23 stig og tók 11 fráköst fyrir Grindavík en Molly Peterman var atkvæðamest hjá Val með 27 stig. Umfjöllun um leikinn á vf.is.

Með sigrinum komst Grindavík í efsta sæti deildarinnar með 24 stig en Keflavík sem er með 22 stig á einn leik til góða á Grindavík.

Haukar sigruðu Fjölni í Hafnarfirði 72-57. Haukar höfðu frumkvæðið frá upphafi en þær leiddu eftir fyrsta leikhluta 22-19. Þær héldu svo áfram að auka forskotið það sem eftir var leiks þrátt fyrir að Fjölnisstúlkur sýndu góða baráttu.

Unnur Tara Jónsdóttir var stigahæst Hauka með 23 stig, en hún tók einnig 9 fráköst og stal 5 boltum í leiknum. Gréta Grétarsdóttir lék vel fyrir Fjölni en hún skoraði 15 stig, tók 11 fráköst og varði 6 skot. Umfjöllun um leikinn á karfan.is.