Körfuboltaárið var viðburðarríkt og sást til margra ljósmyndara á leikjum.

Af því tilefni ætlar karfan.is að standa fyrir samkeppni um bestu körfuboltaljósmyndina fyrir árið 2007. Það er skilyrði að myndin sé tengd körfubolta, hvort sem það er mynd af leikmönnum, dómurum, þjálfurum, áhorfendum eða öðrum þátttakendum leiks.

Dómnefnd mun velja 10 bestu myndir ársins og svo munu lesendur karfan.is fá tækifæri til að kjósa milli þeirra og raða þeim í sæti. Röð lesenda mun svo gilda helming á móti röð dómnefndar og hlýtur sú mynd sem endar í efsta sæti sæmdarheitið Körfuboltamynd ársins 2007.

Dómnefnd verður skipuð þeim Einari Fal Ingólfssyni, Skapta Hallgrímssyni, Friðriki Inga Rúnarssyni, Hannesi Sigurbirni Jónssyni og Rúnari Birgi Gíslasyni. Hver ljósmyndari hefur rétt á að senda inn 5 myndir.

Hægt er að senda inn myndir fram til föstudagsins 18. janúar á runar@karfan.is

Kosning hefst svo miðvikudaginn 23. janúar og stendur í tvær vikur.