Í kvöld verða 2 leikir í 1. deild karla. Á Selfossi verður nágrannaslagur þegar FSu fær Þór úr Þorlákshöfn í heimsókn og í Kópavogi tekur Breiðablik á móti Reyni Sandgerði.

Lið FSu hefur leikið mjög vel í vetur en þeir eru í öðru sæti deildarinnar með 16 stig og hafa aðeins tapað einum leik í vetur. Fyrri leikur liðanna fór 56-65 fyrir FSu en Þórsarar hafa styrkt sig töluvert síðan í haust og mæta ákveðnir til leiks í kvöld.

Leikur Breiðabliks og Reynis er viðureign liða sem eru með ólíka stöðu í deildinni. Bæði lið eru í mikilli baráttu en á mismunandi stöðum. Breiðablik hefur enn ekki tapað leik í 1. deildinni í vetur en Reynir hefur aðeins unnið einn leik til þessa. Fyrri leikur liðanna fór 87-111 fyrir Breiðablik.

Staðan í 1. deild karla.