Framhaldsskólamóti KKÍ lauk um helgina með úrslitakeppni. Í kvennaflokki léku Fjölbrautarskóli norðurlands vestra á Sauðárkróki og Menntaskólinn í Reykjavík til úrslita og sigrði MR í leiknum 49-37. Í karlaflokki léku Menntakólinn í Kópavogi og Verslunarskóli Íslands til úrslita og voru það pilarnir úr MK sem höfðu sigur 70-60.

Því miður var ekki hægt að hefja móti í nóvember eins og til stóð, vegna verkfalls framhaldsskólakennara. Þess í stað var riðlakeppnin leikin í mars, en vegna þess að talsvert vantaði uppá að leikskýrslur skiluðu sér til KKÍ var ekki hægt að leika úrslitakeppnina fyrr en nú um helgina. Hún hefði auðvitað þurft að fara fram mun fyrr þar sem próf eru hafin í nokkrum framhaldsskólum.