Í kvöld verða tveir leikir í Iceland Express deild kvenna. Einnig verða nokkrir leikir í 16-liða úrslitum bikarkeppni yngri flokka.

Í Hveragerði mætast Hamar og KR. KR hefur leikið vel á tímabilinu og getur komist í annað sæti deildarinnar með sigri og hagstæðum úrslitum í leik Fjölnis og Hauka. Hamar hefur átt á brattann að sækja á fyrri hluta tímabilsins og eru í botnsætinu ásamt Fjölni og Val.

Fjölnir tekur á móti Haukum í Grafarvoginum. Haukar eru eins og er í öðru sæti deildarinnar með 6 sigra og 2 töp en Fjölnir hefur aðeins unnið einn leik.

Báðir leikirnir hefjast klukkan 19:15.

Þessa dagana stendur keppni í 16-liða úrslitum bikarkeppni yngri flokka yfir. Í kvöld verða leiknir 3 leikir.

9. flokkur kvenna:
Hrunamenn - Valur klukkan 18:30 á Flúðum.

9. flokkur karla:
Breiðablik - Grindavík klukkan 18:30 í Smáranum.
Þór Þorlákshöfn - KR B klukkan 20:00 í Þorlákshöfn.