Í gærkvöldi fóru fram 2 leikir í Vodafone-Höll Vals. Heimamenn náðu ekki að landa sigri í þetta sinn.

Fyrri leikurinn var viðureign Vals og Grindavíkur í Iceland Express deild kvenna. Jafnræði var með liðunum í fyrri hálfleik en Valur leiddi með einu stigi í hálfleik.

Grindavík hóf síðari hálfleikinn svo af krafti og náði forystunni sem þær héldu það sem eftir lifði leiks. Lokatölur voru 56-66 fyrir Grindavík. Tiffany Roberson var með 20 stig og 18 fráköst fyrir Grindavík en Molly Peterman skoraði 26 stig fyrir Val.

Umjöllun um leikinn á vf.is. Með sigrinum komst Grindavík upp að hlið Hauka í 2. sæti Iceland Express deildarinnar.

Seinni leikurinn var á milli Vals og Breiðabliks í 1. deild karla. Breiðablik byrjaði leikinn vel og náði forystu í 1. leikhluta. Valmenn voru þó ekki langt undan og náðu að minnka muninn með góðri þriggja stiga körfu rétt áður en flautað var til hálfleiks.

Breiðablik hafði þó frumkvæðið áfram í seinni hálfleik og náðu Valsmenn ekki að vinna muninn upp. Breiðablik sigraði því 78-92 og er enn taplaust í 1. deild karla. Nemanja Sovic var heitur í leiknum og skoraði 31 stig fyrir Breiðablik. Hjá Val var Craig Walls stigahæstur með 17 stig.

Umfjöllun um leikinn á Breiðablik.is.