Í dag, klukkan 16:00, fer fram í Tyrklandi seinni leikur KR og Banvit BC í Evrópukeppni félagsliða.

Liðin áttust við í DHL-Höllinni í síðustu viku þar sem Banvit BC sigraði nokkuð örugglega eftir spennandi fyrri hálfleik.

KR-ingar áttu langt og erfitt ferðalag til Tyrklands en eru búnir að koma sér ágætlega fyrir og eru vel stemmdir fyrir leikinn í dag. Það er ljóst að þetta verður mjög erfitt verkefni fyrir þá en KR-ingar eru staðráðnir í að láta finna vel fyrir sér í leiknum.

Á heimasíðu KR er að finna áhugavert myndband sem sýnir aðstöðuna í Tyrklandi og undirbúning KR fyrir leikinn.

Stefnt er að því að sýna leikinn í beinni útsendingu á KR TV. Nánari upplýsingar má finna á heimasíðu KR.