Nú í kvöld munu Íslandsmeistarar KR mæta tyrkneska liðinu Banvit BK í Evrópukeppni félagsliða og er það ánægjulegt fyrir að okkur körboltaáhugamenn að fá svo sterkt lið hingað til lands.

Þetta verður án efa erfið viðureign fyrir KR-inga en þeir munu svo fara til Tyrklands í næstu viku og mæta þessu liði á þeirra heimavelli og verður það mikið ævintýri fyrir KR-inga að leika á þessum slóðum því stemmingin og “blóð”hitinn í áhorfendum í Tyrklandi er fáu lík.

Það skiptir miklu máli að sem flestir körfuknattleiksáhugamenn mæti í Vesturbæinn í kvöld og styðji KR-inga til sigurs því ég er sannfærður um að með góðum stuðningi áhorfenda þá geti leikmenn KR komið tyrkneska liðinu í opna skjöldu og sigrað leikinn. Þegar íslensk félagslið keppa í Evrópukeppni þá er það lið okkar allra og við látum félagaríg til hliðar eins og um landslið sé að ræða.

Ég óska KR-ingum góðs gengis í kvöld og hvet körfuboltaáhugamenn að fjölmenna í DHL-höllina.

Áfram íslenskur körfuknattleikur!!

Hannes Sigurbjörn Jónsson.