Í nótt verða 13 leikir á dagskrá í NBA deildinni. Viðureign Miami Heat og Phoenix Suns verður sýnd í beinni útsendingu á Sýn.

Bæði lið eru skipuð stórstjörnum og því má búast við skemmtilegum leik. Miami hafa byrjað tímabilið illa og hafa ekki unnið leik enn í deildinni. Þeir hafa leikið án Dwayne Wade en hann er að jafna sig eftir erfið meiðsli. Phoenix Suns hafa leikið nokkuð vel og eru með mjög sterkt lið. Þeir eru þekktir fyrir að leika mjög hraðan og skemmtilegan körfubolta undir styrkri stjórn Steve Nash.

Útsendingin hefst á sýn klukkan 00:25.

Á NBA TV verður sýnd viðureign Sacramento Kings og Cleveland Cavaliers. Viðureign þeirra hefst klukkan 02:30.