Í kvöld verða 2 leikir í 1. deild karla.

1. deild karla karla hefur verið mjög spennandi og skemmtileg það sem af er vetrar og það má búast við hörkuleikjum í kvöld.

Klukkan 19:15 mætast FSu og Valur á Selfossi. Þessi lið eru talin líkleg til að verða í toppbaráttunni í allan vetur en FSu er eins og er á toppnum ásamt liði Breiðabliks. Valsmenn eru ekki langt á eftir með aðeins einn tapleik.

Í Þorlákshöfn mætast svo Þór og Ármann. Leikurinn hefst klukkan 20:00. Ármann hefur unnið 2 leiki og tapað 3 í vetur en Þórsarar eru enn ekki búnir að vinna leik. Þeir styrktu þó lið sitt töluvert á dögunum þegar þeir fengu aftur til sín þá Hallgrím Brynjólfsson og Grétar Inga Erlendsson. Ásamt því bættu þeir við sig nýjum erlendum leikmanni, Isaac Westbrooks.

Það verða því tveir góðir leikir á Suðurlandi í kvöld og hvetjum við alla til að mæta á völlinn.