Nú er leikjum kvöldsins í Iceland Express deildinni nýlokið.

KR sigraði Njarðvík í DHL-Höllinni með ótrúlegri þriggja stiga körfu frá Helga Má Magnússyni. Njarðvík var tveimur stigum yfir þegar Helgi skaut úr horninu um leið og flautan gall og boltinn ofaní. Lokatölur leiksins voru 82-81. Sætur sigur hjá KR-ingum og enn einn frábær leikurinn á milli þessarra liða.

Keflavík hélt toppsæti deildarinnar þegar þeir sigruðu ÍR-inga á heimavelli sínum 110-79.

Á Sauðárkróki unnu Grindvíkingar heimamenn í Tindastól 90-78. Skallagrímur vann Fjölni í Borgarnesi 88-65.

Stjarnan sigraði slag nýliðanna þegar þeir lögðu Þór frá Akureyri 85-78.