Selfoss, Grindavík, KR og Keflavík eignuðust öll Íslandsmeistara þegar fjórir úrslitaleikir fóru fram í Austurbergi um helgina. Undanúrslitaleikirnir fóru fram á laugardaginn og úrslitaleikirnir í dag sunnudag. Selfoss varð Íslandsmeistari í 10. flokki karla eftir 63-60 sigur á Njarðvík, Grindavík varð Íslandsmeistari í 10. flokki kvenna eftir 60-21 sigur á Keflavík, KR varð Íslandsmeistari í drengjaflokki eftir 70-58 sigur á Val/Fjölni og Keflavík varð Íslandsmeistari í unglingaflokki kvenna eftir 62-52 sigur á ÍR/Breiðabliki. Það má finna tölfræði úrslitaleikjanna og úrslita allra leikjanna inn á nýjustu úrslit á KKÍ-síðunni eða að nýta sér tenglanna hér á undan með því að ýta á lokatölur leikjanna.